मुक्तक

१
पुर्णिमाको जुनले पनि हेर्छ तिमीलाई
बादलुले घुम्टो बनाई घेर्छ तिमीलाई
बसन्तको सुन्दरता तिमी भित्रै भेटेपछी
कबिले नी कबितामा केर्छ तिमीलाई
२
खै कस्तो हो उनी सँग प्यार रहेछ
नजरनै घायल पार्ने हतियार रहेछ
पुर्णिमाको जुनको कुरा के गर्नु र
जुन भन्दा नि चम्किलो मुहार रहेछ
३
नपिउदै लठ्ठाइदिने रक्सी होरे माया
सपनामै रङ्गमन्चको मस्ती होरे माया
कोहि रम्दै बस्ने यस्मा कोहि झस्किरहने
कसैलाई चिहानको बस्ती होरे माया